ევროლიგაზე წამყვანი ფეხბურთელების გარეშე
ინგლისური “ლივერპული” ევროპის ლიგაზე ასპარეზობას რამდენიმე წამყვანი მოთამაშის გარეშე დაიწყებს. შეგახსენებთ, რომ შარშან პრემიერლიგაში დაკავებული მეშვიდე ადგილის შემდეგ “მერსისაიდელებს” სეზონის დაწყება უჩვეულოდ ადრე, თანაც თითქმის ნახევარი შემადგენლობის ამარას უწევს.
ჯერჯერობით ისევ სამხრეთ აფრიკაში იმყოფებიან და მსოფლიო ჩემპიონატზე ასპარეზობენ პეპე რეინა, დირკ კუიტი, ხავიერ მასკერანო, მაქსი როდრიგესი და ფერნანდო ტორესი. წესით და რიგით, იმ მომენტიდან, რაც მსოფლიო ჩემპიონატს გამოეთიშება, თითოეულ მათგანს სამ კვირიანი შვებულება ეკუთვნის, რაც იმას ნიშნავს, რომ მათი იმედი გუნდის მომავალ მწვრთნელს კიდევ დიდხანს არ უნდა ჰქონდეს. რაც შეეხებათ სტივ ჟერარდს, ჯეიმი კარაგერსა და გლენ ჯონსონს, მათ სწორედ გუშინ მიეცათ შვებულებაში გასვლის საშუალება და გუნდს პირველ საკვალიფიკაციო თამაშამდე 2-3 დღით ადრე დაუბრუნდებიან…
კომენტარeების სანახავად და დასაწერად გაიარეთ ავტორიზაცია