ესპანური "La Razon" ავრცელებს ცნობას, რომლის თანახმადაც ლუკას ოკამპოსს "სევილიადან" აბარგება და "ენფილდზე" დამკვიდრება აქვს გეგმაში. "El Intrasigente" კი იტყობინება, რომ "წითლები" ტრანსფერში ტაკუმი მინამინოს ჩართვას აპირებენ.

ანდალუსიელები მოხიბლულები არიან იაპონელი გარემარბის სათამაშო სტილით, თუმცა ამ ეტაპზე უცნობია დათანხმდება თუ არა მინამინო "დალაქების" რიგებში ასპარეზობას, რადგან მისი მიზანი პრემიერ ლიგაში დარჩენაა.

"სევილია" არგენტინელ უნივერსალ შემტევს 60 მილიონ ევროდ აფასებს, რაც "ლივერპულისათვის" დიდი თანხაა და ერთადერთი გამოსავალი ტაკუმის ბარტერში ჩართვაა, რათა ესპანელებმა მოთხოვნა შეამცირონ. სხვა მხრივ, ტრანსფერს ხელს არაფერი უშლის.