ზაფხულის სატრანსფერო ფანჯარაზე, "ლივერპულის" ერთ-ერთი პრიორიტეტი ალექსის მაკ ალისტერის ტრანსფერი იქნება.

ფაბრისიო რომანოს ინფორმაციით, კლუბმა უკვე დაიწყო არგენტინელი ნახევარმცველის გადაბირებაზე მუშაობა.

რამდენიმე დღეში, მერსესაიდელთა წარმომადგენლები მაკ ალისტერის აგენტს შეხვდებიან და შესაძლო ტრანსფერზე ისაუბრებენ.

მსოფლიო ჩემპიონი "ბრაიტონიდან" წასვლას აპირებს და თანაც სურს, რომ ეს სატრანსფერო ფანჯრის გახსნიდან მალევე მოხდეს.

"თოლიებს" ალექსისის სანაცვლოდ დაახლოებით 70-75 მილიონი ფუნტის მიღება სურთ, მაგრამ ფასი, შესაძლოა, გაიზარდოს.

აქვე გეტყვით, რომ "ლივერპულის" გარდა, მაკ ალისტერის მსურველებს შორის "მანჩესტერ იუნაიტედიცაა".