"ლივერპულს" პრობლემები არ ელევა - გუნდში მორიგი ტრავმირებულია და ამჯერად ეს ტიაგო ალკანტარაა.

The Telegraph იტყობინება, რომ ესპანელ ფეხბურთელს ბარძაყის დაზიანების გამო სავარაუდოდ 1 თვე გაუცდება, ეს კი ისედაც რთულ მდგომარეობაში მყოფი გუნდისთვის დიდი დარტყმა იქნება.

მერსისაიდული გრანდის ლაზარეთში ისედაც არაა მარტივი ვითარება - ლუის დიასი და იბრაჰიმა კონატე კიდევ რამდენიმე კვირა ვერ დაეხმარებიან იურგენ კლოპს.

ჯერჯერობით, უცნობია, კონკრეტულად რამდენ შეხვედრას გამოტოვებს ესპანელი ნახევარმცველი.